以下內容其實好冗長同好無聊，你自己諗下睇唔睇。

話咁快當人地仲考緊試既時候
我上個星期五已經完放sem break緊
有排都唔洗番學咁得閒真係罪過
我得閒到拎左聖誕樹出黎整
原本諗住今年冇工人所以廢事整…


下面先係正題

話說今日6點半要出佐敦一定唔可以遲
於是我好早準備好5點45分左右就出門一定早到
點知…！？
到出門口果刻搵黎搵去都搵唔鬼到條鎖匙
頂！點算，真係搵晒所有野都搵唔到！
於是反轉間房搵啦
明明我今日中午先執完房，肯定冇見過條匙
但冇法，又要反轉間房搵一次
搵晒所有野，連著過冇著過既褸同褲我都搵晒
冇！！！！！

仆街，於是搵埋廳，
因為可能有時開完門放左去鞋櫃上面
度度都冇，點算！？
明知佢地唔會知，但我都打去問下阿媽有冇見過
結果當然係唔會見過
已經夠晒鐘，最慘係搵黎搵去連後備鎖匙都搵唔到！！！
OMG！！！20萬個嬲。

已經六點搭一，唯有就咁出街…
但一路搭車，到上緊堂我都覺得好嬲，
到底起邊度唔見左，搞到我連測驗都做到好差！
又起果度登記埋睇下有冇執到鎖匙。

落大雨冇帶傘，番到屋企冷靜咁搵一次都係冇，
但今次比我搵到後備果條。
佢起一個好差既位，唔洗放到咁隱秘。
落街食飯，去番上星期五食果間野度問下有冇執到，
果個阿姐好認真咁幫我問晒所有人，都係冇，
於是我繼續一路食星洲炒米一路諗到底最後見到條鎖匙係幾時。
原則上我印象中星期六好似冇出過街，
星期日同尋日都一定冇出過街，即係最後用應該係星期五。

嘩，叫我起星期二諗番上星期五做過D乜真係難過登天，諗到我丫。
好彩我記得我離開電腦廣場既時候要比locker鎖匙阿Melanie，
即係果時仲有。之後起日經完全冇需要拎出黎，
然後同阿爸﹑阿哥食飯。食飯都冇用過…

問題黎啦，到底我星期五果日番屋企有冇開門？
如果同阿爸一齊番應該佢開，即係我冇用過，
突然靈機一觸，果日食完飯之後佢地去左停車場睇架車，
我就番屋企先，即係我係自己開門！
Yeah，又離真相近左一步。
(BTW...我唔好意思話比果個餐廳阿姐聽其實我已經知一定唔係佢果度唔見...佢到我臨走仲同我講搵到會打比我。我覺得好心虛)

咦？咁到底我星期六有冇出街？？
我既記憶力真係有好大進步空間，我完全唔知自己有冇出街。
於是打比阿媽問下佢有冇煮飯，不過佢自己都唔知，
好彩我平時係一個宅女，咁當住自己冇出街先啦。
於是食完星洲炒米番到屋企

再冷靜咁搵一次，今次集中起房，
因為廳搵一次冇就真係唔會有。
突然諗，如果放起檯面，唔見左會去左邊，
「！！！」窗邊果條lar果度！
用檯燈照一照，真係起度。
即刻講句粗口先，真係好低能。

做乜我唔搵果條lar！
阿思(以前既工人)年代前好似已經跌過起果度一次！
好野，終於搵番。
不過後遺症係，搵野果時太粗魯好似扭到肩膀同腳踝。
心情好番晒，而家可以專心玩無雙

←就係呢條lar

(PS. 其實唔見左鎖匙唔會好嬲，我只係嬲冇左個USB)

OMG
星期一晚上食左旺中對面新開果間清湯腩
(起咩香港仔魚蛋粉隔離，千祈唔好去)
第二日就腸胃炎
真係仆街

食左三日包(早午晚)想死。
(原本買左粥，比阿哥食晒。原本想鬧佢，不過算，都係叫佢還錢算)

星期六又係留起屋企懶懶閒乜都唔做既日子。

原本想開始翻譯週刊AKB，

不過今集又係大運動會要聽好耐。

所以都係今晚先開工，做到聽朝就差唔多做完，

然後就可以去飲茶，時間配合得arm arm好。

頭先同阿爸食完飯番屋企，睇下信箱…

Yeah，RIVER隻CD已經寄到黎。

RIVER隻歌好正﹑隻舞好正﹑PV好正﹑服裝都好正，
但係我唔係幾中意呢個封面……
HMV特典寫真係たかみな和マリコ様ww


Booklet內頁
老實說才加這個髮型我不太欣賞…
嘛…RIVER整體的服裝也很不錯的。


內容，當然有CD和DVD，
亦少不了握手券，不過唔關我事就係。
因為已經係年尾，所以仲有AX2010的投票券，
事不而遲，已經托人投左A5 unit曲的恋禁。
呢隻歌真係ネ申曲。

RIVER之後，11月尾木プロ好主動
旗下的渡り廊下走り隊 同 ノースリーブス 都相繼出擊
11/11：完璧ぐ～のね (渡り廊下走り隊)
25/11︰キスの流星 (ノースリーブス)

走廊隊今次的水手服和曲風吸引不到我…
上兩隻Single明明幾好…我其實中意制服多過水手裝。
相反no3b的單看到做型已經成功吸引到我，
キスの流星入手預定?

尋日AKB上左Mステ
RIVER的舞蹈果然好正ww
唯一美中不足的地方是沒有みゃお